Pedagogik mahorat markazi professor-o‘qituvchilari o‘z bilim va malaka mahoratlarini doimiy yangilab borish bilan birga, ta’limni yangi zamonaviy pedagogik texnologiyalar asosida olib borishga asosiy e’tiborini qaratmoqda.
“GLOBAL TA’LIM TENDENSIYALARI SHAROITIDA MAKTABGACHA TA’LIM
MAZMUNINI MODERNIZATSIYA QILISHNING USTUVOR YO‘NALISHLARI”
RESPUBLIKA ILMIY-AMALIY KONFERENSIYASI
O‘zbekiston Respublikasi Oliy taʼlim, fan va innovatsiyalar vazirining 2026-yil 16-yanvardagi 11-son buyrugʻi 2-ilovasi “2026-yilda respublika miqyosida oʻtkaziladigan ilmiy va ilmiy-texnik tadbirlar rejasi”ga muvofiq Navoiy viloyati pedagogik mahorat markazida 2026-yil 22-oktabr kuni “Global ta’lim tendensiyalari sharoitida maktabgacha ta’lim mazmunini modernizatsiya qilishning ustuvor yo‘nalishlari” mavzusida respublika ilmiy-amaliy konferensiyasi o‘tkaziladi.
Anjumanda soha mutaxassislari, yetakchi olimlar, professor-o‘qituvchilar, ilmiy xodimlar, doktorantlar, mustaqil izlanuvchilar, maktabgacha va maktab ta’limi tizimi pedagog-xodimlari ishtirok etishi mumkin. Anjuman materiallari elektron to‘plam shaklida nashr etiladi va anjumanning barcha ishtirokchilariga sertifikat taqdim etiladi.
