Navoiy viloyati pedagogik mahorat markazida xorijiy maslahatchi Bernardo Melchor tomonidan “Amaliyotda samarali bo‘lgan faol o‘qitish strategiyalari” mavzusida seminar-trening tashkil etildi.
Pedagogik kadrlarning kasbiy salohiyatini rivojlantirish hamda malaka oshirish kurslari doirasida ta’lim sifatini oshirishga qaratilgan ilg‘or xorijiy pedagogik tajribalarni o‘rganish, tahlil qilish va ularni milliy ta’lim tizimi sharoitiga mos holda joriy etish maqsadida o‘tkazilgan tadbirda pedagogik mahorat markazi pedagog-xodimlari va tinglovchilari qatnashdilar.
Seminarda janob Bernardo Melchorga Tillarni o‘qitish metodikasi kafedrasi katta o‘qituvchisi Yulduz Hodiyeva ko‘maklashdi. Amaliyotda samarali bo‘lgan faol o‘qitish strategiyalari trenerlar tomonidan zamonaviy yondashuvlar va hayotiy misollar yordamida batafsil tushuntirib berildi.
Ishtirokchilar o‘zini qiziqtirgan savollarga to‘liq javoblar olishdi.