Joriy yilning 17 – sentabr kuni Navoiy viloyati pedagogik mahorat markazida Respublika ishchi guruh vakili Farhod Haqnazarov hamda Dilyara Tuxfatullina va metodik xizmat ko’rsatish bo’limi metodistlari tomonidan ZOOM dasturi orqali «Umumta’lim maktablari koordinatorlari uchun «Kasbiy rivojlanish kuni» va «Kasbiy rivojlanish soati» tadbirlarini tashkil etish» mavzusida onlayn vebinar tashkil etildi.
Vebinarda “Kasbiy rivojlanish kuni” va “Kasbiy rivojlanish soati”ni tashkil etish tartibi hamda Singapurning “Marshall Cavendish Education” ta’lim tashkiloti bilan hamkorlikda ta’lim sifatini yangi bosqichga olib chiqish, matematika va tabiiy fanlar bo‘yicha ilg‘or xorijiy tajribalarni viloyat maktab o’qituvchilariga yetkazish masalalari muhokama qilindi.
Vebinar so’ngida “Kasbiy rivojlanish kuni” va “Kasbiy rivojlanish soati”ni tashkil etish borasidagi amalga oshirilgan ishlar va kelgusidagi faoliyat to’g’risida kelishib oldilar.