Xalqaro hamkorlik
Pedagogika markazining hamkorlik aloqalari 2022-o‘quv yili davomida O‘zbekiston Respublikasi Xalq ta’limi vazirligi va Rossiya Federatsiyasi Fan va ta’lim vazirligi hamkorligida amalga oshirilayotgan “O‘zbekiston Respublikasi maktablarida rus tili fanini va umumta’lim fanlarini rus tilida o‘qitishning sifatini oshirish” loyihasi doirasida Rus tilida o‘qitishning sifatini oshirishga qaratilgan “Zo‘r” (Klass) loyihasi doirasida Gersen nomidagi Rossiya davlat pedagogika universiteti mutaxassislari va Pedagogika markazi professor-o‘qituvchilari tomonidan mahalliy o‘qituvchilar ucnun metodik kunlari Mahorat darslari o‘tkazildi.
Rossiyaning Kuzbass mintaqaviy kasbiy ta’limni rivojlantirish instituti bilan hamkorlik shartnomasi asosida Pedagogika markazi professor-o‘qituvchilari uchun “Moderatsion va fasilitatsion texnologiyalardan samarali foydalanish” mavzusidagi qisqa muddatli masofaviy malaka oshirish kurslari va vebinar seminar-treninglar tashkil etildi.
2022-o‘quv yili oktyabr-noyabr oylarida “Pedagogika va psixologiya, ta’lim texnologiya-lari” kafedrasi dotsenti, iqtisod fanlar nomzodi Shomiyev G‘olib O‘ktamovich Amerika Qo‘shma Shtatlari Kanzas shtatining Pitssburg davlat universitetida “Kompetensiyaviy yondashuvga asoslangan ta’lim muammolari” yo‘nalishida malaka oshirib keldi.
Navoiy viloyati pedagogika markazida Finlyandiyaning Xelsinki universiteti HY+ trening markazi vakillari Petri Lounaskorpi, Hanne Kole ishtirokida “Taʼlimdagi o‘qitish metodikalari bo‘yicha Finlyandiya tajribasi” mavzusida o‘quv mashg‘ulotlari olib borildi.