Kafedra 2009 – yilda tashkil etilgan. 2021-yildan boshlab, kafedra mudiri lavozimida Sh.Xasanova rahbarlik qiladi. Kafedraning ilmiy tadqiqot mavzusi: „Mаktаbgаchа, bоshlаng‘ich va maxsus tа’lim» – tizimida Pedagogik faoliyat jarayonlarini zamonaviy tarzda tashkil etishning qulay shart-sharoitlari“ deb nomlanadi. Kafedrada jami 6 nafar professor-o‘qituvchilar faoliyat yuritadi, jumladan 1nafar falsafa doktori(PhD), 1nafar dotsent, 2nafar katta o‘qituvchi, 2 nafar o‘qituvchilar faoliyat olib borishadi.
I. O‘QUV ISHLARI
Kafedraning umumiy o‘quv yuklamasi 4384 soatni tashkil etadi. Kafеdra profеssor-o‘qituvchilari tomonidan 2022-yil o‘quv yili uchun Boshlang`ich ta`lim o‘qituvchilarini kasbiy rivojlantirish kurslari uchun Maktabgacha ta`lim metodikasidan o‘quv-rеjadastur, ishchi dastur, shu asosida ma’ruza matnlari va taqdimotlar tayyorlab faoliyat jarayonlariga tadbiq etib kelinmoqda.
II. LMIY- METODIK ISHLAR
Kafedrada mashg‘ulotlarni mutaxassisliklar bo‘yicha yuqori ilmiy-metodik, ma‘naviy, madaniy saviyada o‘tishni ta’minlash yo‘lga qo‘yilgan. Kafedra o‘qituvchilari o’zlarining ilmiy-metodik saviyalarini uzluksiz ravishda oshirib va pedagogik mahoratlarini muntazam ravishda takomillashtirib boradilar. Shu maqsadda- ular maktabgacha ta‘lim tashkiloti tarbiyachilari uchun “Maktabgacha ta’lim tashkilotlarida didaktik o‘yinlarni tashkil etish metodikasi” Maktabgacha ta’lim tashkiloti tarbiyachilarini innovatsion usulida o‘qitish metodikasi”, boshlang‘ich ta‘lim fani o‘qituvchilari uchun Boshlang‘ich sinfda o‘qish ko‘nikmalari metodikasini o‘qitishda kreativ yondashuv”. (qozoq tilida) O‘quvchilarning matematik ko‘nikmalarini xalqaro tadqiqotlar asosida o‘rgatish metodikasi”. Boshlang‘ich ta’lim samaradorligini oshirishga zamonaviy yondashuv”mavzularida metodik ko‘rsatmalar tayyorlaydilar.
Kafedra folyatiga doir masalalarini hal etishda, kafedra majlislarida faol ishtirok etib kelmoqdalar. Kafedrada ilmiy-metodik ishlar yuqori saviyada tashkil etilgan bo‘lib o‘qituvchilarimiz tamonidan ijodiy yondashilmoqda.
III. ILMIY-TADQIQOT ISHLARI
Kafеdra professor-o‘qituvchilari tomonidan joriy o‘quvyilida 30 dan ortiq ilmiy maqola va tezislar tayyorlanib, OAK tasarrufidagi jurnallar, “Maktabgacha ta‘lim”, ”Boshlang‘ich ta‘lim”, “Xalq ta‘limi” “Ma‘rifat” gazetasi, respublika ilmiy-amaliy konferensiya materiallari to‘plami, “Do‘stlik bayrog‘i” gazetalarida e’lon qilinib kelinmoqda
IV. TASHKILIY-METODIK ISHLAR.
Xalq ta‘limi tizimida zamonaviy axborot kommunikasiya texnologiyalaridan samarali foydalanish maqsadida institutda mutaxassis professor-o‘qituvchilar tomonidan AKTdan tashkil etilgan darslarga, shuning bilan birgalikda chet tillarini o‘rganish yuzasidan tashkil etilayotgan darslarga kafedra professor-o‘qituvchilari muntazam ravishda qatnashib o‘z bilim va tajribalarini oshirib, tashkiliy-metodik ishlarda faol qatnashmoqdalar.
V. MA’NAVIY-MA‘RIFIY ISHLAR
Matabgacha va boshlang‘ich ta‘lim kafedrasi professor-o‘qituvchilari tomonidan ma‘naviy-ma‘rifiy ishlarga alohida e‘tibor qaratilgan. O‘zbekiston Respublikasi Prezidentining Farmon va Qarorlari, Vazirlar Mahkamasi va Xalq ta’lim vazirligining qarorlari va buyruqlari ijrosini ta’minlash. Davlat umumxalq bayramlariga bag‘ishlangan ma’naviy-ma’rifiy tadbirlar tashkil etish (“Navro‘z”, “8-mart Xalqaro xotin-qizlar kuni”, “Mustaqillik kuni”, “O‘qituvchi va murabbiylar kuni”, “Konstitutsiya kuni”). Kurs tinglovchilarining Navoiy shahri, Nurota va Karmana tumanining diqqatga sazovor joylariga tashrifini tashkil etish. Buyuk adiblar, yozuvchi va shoirlarning tavallud kuniga va boshqa muhim sanalarga bag‘ishlab badiiy kechalar tashkil etish. Hududiy markazdagi xodimlar va tinglovchilar o‘rtasida sport musoboqalarini (voleybol, stol tennisi, shaxmat, basketbol, mini futbol) o‘tkazish. Birinchi Prezidentimiz va Prezidentimiz Shavkat Mirziyoyevlar asarlarini tinglovchilar bilan birgalikda o‘rganish tadbiri ham olib borildi.