TILLARNI O‘QITISH METODIKASI KAFEDRASI

Kafedra 2001-yilda tashkil qilingan. Kafedraga 2017-yil 16-yanvardan boshlab  Usmanova Raxima Mamayusupovna rahbarlik qilmoqda. Kafedrada hozirgi kunda   5 nafar professor-o‘qituvchi pedagogik faoliyat ko‘rsatadi.

1. Kafedra mudiri, dotsent – Usmanova Raxima Mamayusupovna
2. Filologiya fanlari nomzodi, dotsent –  Kadirov Kamol Namozovich
3. Katta o‘qituvchi –  G‘ulomova Nargiza Sa’dullayevna
4. Katta o‘qituvchi  – Azizova Saodat Tursunniyovna
5. Katta o‘qituvchi  – Suvanova Mavjuda Hamroqulovna

Kafedraning ilmiy-tadqiqod mavzusi: “Uzluksiz ta’limni  rivojlantirishda qayta tayyorlash va malaka oshirish tizimi samaradorligini oshirishning ilmiy-metodik va didaktik asoslari” deb nomlanadi.

Kafedraning umumiy o‘quv yuklamasi 3126 soatni tashkil etadi. Kafedra professor-o‘qituvchilari ona tili va adabiyot, O‘zbek(Davlat) tili (ta’lim boshqa tillarda olib boriladigan maktablarda), rus tili va adabiyoti, qozoq tili va adabiyoti fanlaridan nazariy va amaliy mashg‘ulotlarni olib borib, malaka oshirish kurslarida o‘tiladigan darslarning sifat va samaradorligini oshirish maqsadida ta’limga oid so‘nggi yangiliklar hamda interfaol usullardan foydalanib, ma’ruza va amaliy mashg‘ulotlarni olib borishmoqda. Ona tili va adabiyot, O‘zbek(Davlat) tili (ta’lim boshqa tillarda olib boriladigan maktablarda), rus tili va adabiyoti, qozoq tili va adabiyoti fanlari bo‘yicha ishchi o‘quv reja, ishchi dastur, ma’ruza matnlari tayyorlangan.

Kafedraga tegishli barcha fanlardan 36 soatlik malaka oshirish kurslari tinglovchilari uchun kontentlar (o‘quv reja dasturi, ma’ruza matnlari, topsiriqlar, glossariylar, testlar, vediodarslar) tayyorlangan.

Kafеdra professor-o‘qituvchilari  tomonidan joriy o‘quv yilida 45dan ortiq ilmiy maqola va tezislar tayyorlanib, ommaviy axborot vositalarida, OAK tasarrufidagi jurnallarda, xorijiy hamda respublika jurnallarda,   respublika va xorijiy  ilmiy-amaliy konferensiya materiallari to‘plamida chop etilib kelingan.