Navoiy viloyati Karmana tumani Axborot-kutubxona markazida 25-oktyabr kuni Oʻzbekiston xalq yozuvchisi, adabiyotshunos olim Pirimqul Qodirov tavalludining 95 yilligi munosabati bilan «Ibratli umr dostoni» nomli ijodiy kecha tashkil etildi.
Ijodiy kechada 20022 harbiy qism orkestr xonandasi Ismoiljon Jumayev, Muqimiy nomidagi oʻzbek davlat musiqali drama teatri aktrisasi Malohat Navroʻzboyeva, Navoiy viloyati pedagogika markazi Pedagogika, psixologiya va taʼlim texnologiyalari kafedrasi dotsenti, pedagogika fanlari boʻyicha falsafa doktori Kamoliddin Astanakulov va umumtaʼlim maktablarining oʻquv ishlari boʻyicha direktor oʻrinbosarlari kursi tinglovchilari ishtirok etishdi.
Ijodiy kecha davomida qatnashuvchilar P.Qodirov hayot yoʻli, asarlari haqida hamda yurtboshimiz tomonidan kitobxonlikka alohida eʼtibor berilayotganligi, toʻgʻrisida ijobiy fikr-mulohazalarini oʻrtoqlashishdi.