DIQQAT! SAYT TEST REJIMIDA ISHLAMOQDA!

AXBOROT RESURS MARKAZI

Pedagogika markaz  axborot-resurs markazi Xalq ta’limi vazirligining  2009-yil 27-fevraldagi “O‘zbekiston Respublikasi Xalq ta’limi vazirligi tizimidagi pedagog kadrlarni qayta tayyorlash va ularning malakasini oshirish institutlari kutubxonalarini axborot-resurs markazlari sifatida qayta tashkil etish to‘g‘risida”gi buyrug‘I bilan institutning 2009-yil 09.03dagi 16-AF-sonli buyrug‘I qabul qilinib, ushbu buyruq asosida axborot-resurs markaziga aylantirildi.
ARM  O‘zbekiston Respublikasi qonunlariga, O‘zbekiston Respublikasi Prezidenti qarorlari, farmon va farmoyishlariga,  O‘zbekiston Respublikasi Vazirlar Mahkamasi qaror va farmoyishlariga, Xalq ta’limi vazirligining buyruqlariga, NVPYaMO‘MM hududiy markaz  nizomi, ichki tarib-qoidalariga, ARM nizomiga amal qiladi.
Bosh maqsadimiz-yuqori sifatli ilg‘or axborot texnologiyalari asosida kitobxonlarning axborotga bo‘lgan ehtiyojlarini tezkor va sifatli qondirish;
–  Mavjud qog‘ozli va elektron manbalardan erkin foydalanish uchun sharoit va imkoniyatlar yaratish;
–  shaxsning kamoltopishi, ta’lim va mustaqil bilim olish, madaniy faoliyat va dam olishi uchun shart-sharoitlar yaratish.
Axborot-resurs markazi institut professor-o‘qituvchilariga, ishchi xodimlarga va kurs tinglovchilariga xizmat ko‘rsatadi.
ARMning moddiy-texnika bazasi:

Kompyuterlar soni -4 ta, internet tarmog‘iga ulangan

printer -1 ta

skaner – 1 ta

Adabiyotlar bilan ta’minlanganlik (Kutubxona fondi)- 6907 dona (qog‘oz shaklda) badiiy adabiyotlar, o‘quv qo‘llanmalar, darsliklar plakatlar, risolalar, elektron darsliklar va elektron  namoyishlar mavjud  bo‘lib,

Shundan:

  • ijtimoiy-siyosiy adabiyotlar- 619 dona;
  • iqtisodiy fanlar- 222 dona;
  • ilmiy-uslubiy va darslik adabiyotlar -3592 dona;
  • ensiklopediya va lug‘atlar -76 dona;
  • badiiy adabiyotlar- 1748 dona;
  • va boshqalar -650 dona ;

“Elektron baza”da elektron darsliklar, darsliklarning elektron nusxalari, badiiy adabiyotlarning elektron nusxalari, Internetdan olib to‘plangan ma’lumotlar sohalar bo‘yicha jamlangan, to‘liq matnli ma’lumotlar  bazasida  6587 dan ortiq ma’lumotlar jamlangan.

O‘quv zalida  kitobxonlar mustaqil va erkin foydalanishlari uchun sharoit yaratilgan bo‘lib, noyob va yagona nusxadagi adabiyotlar, ensiklopediyalar, lug‘atlar, ma’ruza matnlari, matbuot nashrlari-gazeta va jurnallarning to‘plamlari,  Internet saytlaridan foydalanuvchilar uchun qulayliklar yaratilgan.

Xizmat ko‘rsatish bo‘limida  tinglovchilar va aholi uchun  zarur bo‘lgan adbiyotlar bilan xizmatlar tashkil qilingan. Kitobxonlar so‘rovi asosida kitoblarni uyga berish, o‘quv zalida foydalanish, adabiyotlarning elektron nusxalarini berish asosida xizmat ko‘rsatish yo‘lga qo‘yilgan.