Mahalla institutining jamiyat boshqaruvidagi o’rni va faoliyati samaradorligini oshirish: muammo va yechimlar

Xalq bilan muloqot va inson manfaatlari yili Davlat dasturi ijrosini ta’minlash, mahalla sohasidagi ilg’or tajribalarni amaliyotga tatbiq etish, malaka oshirish ta’limi sifat va samaradorligini oshirish maqsadida Konstitutsiyamizning 25 yilligiga bag’ishlab o’tkazilayotgan ushbu ilmiy-amaliy konferensiyada fuqarolarning o’zini-o’zi boshqarish organlari tizimida malakali kadrlar tayyorlash muammolari, malaka oshirish ta’limida o’qitishning sifat va samaradorligini oshirishda innovatsion texnologiyalar, intellektual salohiyat: muammolar va yechimlar hamda qo’llanilayotgan ilg’or tajribalarga bag’ishlangan ishlar natijalari asosida Navoiy viloyati hokimligi huzuridagi fuqarolarni o’zini-o’zi boshqarish organlari xodimlarini malakasini oshirish bo’yicha o’quv kursi tashabbusi bilan 2017-yil 30-noyabr kuni “Mahalla institutining jamiyat boshqaruvidagi o’rni va faoliyati samaradorligini oshirish: muammo va yechimlar”mavzusidagi respublika ilmiy-amaliy konferensiyasi o’tkazildi. Konferensiya Yalpi majlisini Navoiy shahridagi Yoshlar markazida kirish so’zi bilan viloyat hokimi, senator Qobuljon Beknazarovich Tursunov ochib berdi.

Ta’limda innovatsiyalar, investitsiyalar va intellektual salohiyat: muammolar, tahlillar va istiqbollar

O’zbekiston Respublikasi Prezidenti Shavkat Miromonovich Mirziyoyev rahnamoligida mamlakatimizda mustaqillik yillarida amalga oshirilgan keng ko’lamli islohotlar milliy davlatchilik va suverenitetni mustahkamlash, xavfsizlik va huquq-tartibotni, davlatimiz chegaralari daxlsizligini, jamiyatda qonun ustuvorligini, inson huquq va erkinliklarini, millatlararo totuvlik va diniy bag’rikenglik muhitini ta’minlash uchun muhim poydevor bo’lgan “2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasi”ning ishlab chiqilishi, xalqimizning munosib hayot kechirishi, fuqarolarimizning bunyodkorlik salohiyatini ro’yobga chiqarish uchun zarur shart-sharoitlar yaratdi.

Ushbu Harakatlar strategiyasida va Davlatimiz rahbarining 2017 yil 26 sentyabrdagi “Pedagog kadrlarni tayyorlash, xalq ta’limi xodimlarini qayta tayyorlash va ularning malakasini oshirish tizimini yanada takomillashtirish chora tadbirlari to’grisida”gi PQ-3289-son Qarorida belgilab berilgan vazifalar ijrosi natijalari asosida Navoiy davlat pedagogika instituti huzuridagi xalq ta’limi xodimlarini qayta tayyorlash va ularning malakasini oshirish hududiy markazi tomonidan 2017-yil 24-noyabr kuni “Ta’limda innovatsiyalar, investitsiyalar va intellektual salohiyat: muammolar, tahlillar va istiqbollar” mavzusidagi Respublika ilmiy-amaliy konferensiyasi Navoiy shahridagi Yoshlar markazining kichik faollar zalida o’tkazildi.

Xotiralar o’chmas qalbimdan

Joriy yilning 7-noyabr kuni “Til va adabiyot talimi” kafedasi o’qituvchilari Mamalakatimizning atoqli davlat va jamoat arbobi, buyuk inson, taniqli adib Sharof Rashialludov tavalludining 100 yilligi munosabati bilan malaka oshirish kurslari tinglovchilari bilan “Xotiralar o’chmas qalbimdan” mavzusida davra suhbati o’tkazdi. Davra suhbatida Sharof Rashidovning O’zbekistonning juda murakkab va qaltis, ogir siyosiy davrida Vatanimiz ravnaqi, turmushimiz farovonligi va obodligi uchun olib borgan fidokorona hayot yo’liga nazar tashlandi. Buyuk adib o’zining “Goliblar”, “Bo’rondan kuchli”, “Qudratli to’lqin” romanlarida qadimgi o’zbek zaminidagi beqiyos o’zgarishlarni qalamga olgan.

Tilga e’tibor – elga e’tibor

21-oktyabr o’zbek xalqining tarixida unutilmas sana hisoblanib, bu sanada o’zbek tiliga Davlat tili maqomi berilgan. Bu qutlug’ sanaga bag’ishlangan bayram tadbirlari respublikamizning turli ta`lim muassasalarida o’zgacha shukuh bilan tantana qilinmoqda. Ana shunday tadbirlardan biri “Tilga e’tibor – elga e’tibor” mavzusida 2017-yilning 20-oktyabr sanasida institutda ko’tarinki ruhda bo’lib o’tdi.

O’zbekiston Respublikasi Prezidentining 2017-yil 26-sentyabrdagi PQ-3289-son Qarorida belgilangan vazifalar ijrosi

O’zbekiston Respublikasi Prezidentining 2017-yil 26-sentyabrdagi “Pedagog kadrlarni tayyorlash, xalq talimi xodimlarini qayta tayyorlash va ularni malakasini oshirish tizimini yanada takomillashtirish chora-tadbirlari togrisida”gi 3289-sonli qarorida belgilangan vazifalar ijrosini taminlash maksadida institutda joriy yilning 10-oktyabr kuni professor-oqituvchilar va ishchi-xodimlar ishtirokida yig’ilish otkazildi.